აჩის ყველაზე დიდი სურვილი

ერთხელ, სეირნობისას, აჩიმ ბალახებში პატარა, ლამაზი სკივრი იპოვა. გაიფიქრა, ეს ხომ ჩემი არ არისო, მაგრამ ცნობისმოყვარეობამ მაინც სძლია.

— უბრალოდ ვნახავ, შიგნით რა დევს და ისევ უკან დავაბრუნებ! — გაიფიქრა მან და სკივრი ფრთხილად გახსნა...

სკივრში ლამაზი ჯოხი და წერილი იდო. წერილში ეწერა, რომ ეს ჯადოსნური ჯოხი მხოლოდ ერთ სურვილს ასრულებდა.

აჩის ბევრი არ უფიქრია. გადაწყვიტა, საქართველოს მსოფლიოში ყველაზე დიდ ქვეყანად გადაქცევა ეთხოვა და გახარებული გაიქცა დედასთან, რომ თავისი გადაწყვეტილების შესახებ ეთქვა.

დედამ თბილად გაიღიმა, აჩის ჩაეხუტა და უთხრა: — ჩემო ჭკვიანო ბიჭო, ქვეყნის სიდიდე მხოლოდ მის ტერიტორიაში არ არის. საქართველო უკვე ძალიან დიდია თავისი გულით, ისტორიითა და სიყვარულით.    სხვა რა სურვილს ჩაიფიქრებდი?

აჩი დაფიქრდა და უპასუხა: — მაშინ ჩავიფიქრებ, რომ ჩვენი ქვეყნის მტრები, რომლებმაც მიწები წაგვართვეს, კეთილები გახდნენ და ყველაფერი უკან დაგვიბრუნონ!

დედას ძალიან გაუხარდა, რომ მის პატარა ბიჭს, ბავშვური სურვილების ნაცვლად, გულით უკვე ასეთი დიდი პატრიოტიზმი და სიყვარული დაჰქონდა.

ჯადოსნურმა ჯოხმა ათასფრად გააციმციმა და აჩის სურვილი მთელ საქართველოს მშვიდობის შუქად მოეფინა.

აჩიმ პირობა შეასრულა, სკივრი ფრთხილად დახურა და ისევ იმ ადგილას დააბრუნა, რომ ჯადოსნურ ჯოხს სხვა კეთილი ბავშვისთვისაც მოეტანა სიხარული.