პიმენი/ნაწილი 4

თბილისში ჩასულმა პი მენმა გადაწყვიტა, სამსახური ეპოვა. ბევრი იარა, ეძება, მაგრამ შესაფერისი საქმე ვერსად ნახა. ბოლოს უკვე იმედები ჰქონდა გადაწურული, როდესაც დაინახა, რომ დიდი მშენებლობა მიმდინარეობდა. იკითხა — იქნებ თავისუფალი ადგილები გქონდეთო და გაუმართლა. ასეთი ძლიერი ფიზიკური მონაცემების ახალგაზრდა კაცი რომ დაინახეს, სამსახურში მაშინვე აიყვანეს.

პი მენს გაუხარდა. მას უკვე შეეძლო ემუშავა და ასევე დახმარებოდა მათ, ვისაც ეს დასჭირდებოდა.

სწორედ ამ სამუშაო ობიექტზე გადააწყდა ის დიდ უსამართლობას. შემთხვევით გაიგონა უფროსის და მისი თანაშემწის საუბარი, რომლებიც გეგმავდნენ, ღამით ჩუმად მტკვრის სანაპირო ზოლი შეევიწროვებინათ და წყლის კალაპოტი დაეპატარავებინათ, რათა შემდეგ ეს ადგილი ადვილად ჩაეგდოთ ხელში და იქ თავიანთი მშენებლობა წამოეწყოთ.